Aviso Legal
Información Legal
1. Titularidade do portal web
FCC Aqualia S.A. (en adiante, a Entidade), pertencente ao Grupo FCC (www.fcc.es), é o titular deste portal web (en diante, o Portal). O seu domicilio atópase situado na rúa Federico Salmón, 13 - 28016-Madrid e o seu CIF é A-26019992. O enderezo de correo electrónico de contacto é comunicación@aqualia.es.
A Entidade atópase inscrita no Rexistro Mercantil de Madrid; Tomo 30784; Folio 73; Folla M-58878; Sección 8; Inscrición 870.
O nome de dominio a través do cal vostede accedeu ao Portal é titularidade da Entidade.
Dito nome de dominio non poderá ser utilizado en conexión con outros contidos, produtos ou servizos que non sexan titularidade da Entidade e/ou do Grupo FCC nin de ningunha maneira que poida causar confusión entre os usuarios finais ou o descrédito da Entidade e/ou do Grupo FCC.
2. Obxecto
Esta páxina de Información legal recolle as condicións de uso que regulan o acceso, navegación e uso do Portal, así como as responsabilidades derivadas da utilización, prestación e/ou contratación dos produtos ou servizos que, no seu caso, poidan ser ofrecidos, así como dos contidos que o integran, e sen prexuízo de que a Entidade poida establecer condicións particulares que regulan a utilización, prestación e/ou contratación de produtos ou servizos que, no seu caso, sexan ofrecidos aos Usuarios a través do Portal. En todo caso, ditas condicións particulares formarán parte integrante do presente Aviso Legal.
O mero acceso ao Portal, a cumprimentación de formularios, o envío de solicitudes de información, consultas, queixas, ofertas de contratación, currículum vitae e, en xeral, calquera acto de natureza similar aos anteriores realizados a través dos formularios e/ou caixas electrónicas existentes no Portal implicará, pola súa parte, a aceptación sen reservas de todas e cada unha das normas integrantes do presente Aviso Legal e a adquisición da consideración de Usuario do Portal. En consecuencia, vostede debe ler atentamente e coñecer o contido do presente Aviso Legal.
No caso de seren ofrecidos, a través do Portal, a utilización, prestación e/ou contratación de produtos ou servizos, o feito de seren utilizados e/ou solicitados polo Usuario implicará, así mesmo, a aceptación sen reservas das condicións particulares que, se é o caso, se establecesen para o efecto, e que formarán parte integrante do presente Aviso Legal.
3. Acceso e uso do Portal
O acceso ao Portal por parte dos Usuarios ten carácter libre e gratuíto. Non obstante, a utilización, prestación e/ou contratación dos produtos ou servizos que, se é o caso, poida ofrecer a Entidade pode estar suxeita á previa observancia de requisitos formais tales como a cumprimentación do correspondente formulario, o aboamento de gastos ou taxas e/ou a previa aceptación das condicións particulares que resulten de aplicación a estes.
O mero acceso ao Portal non implica, en si mesmo, o establecemento de ningún tipo de vínculo ou relación comercial entre a Entidade e o Usuario, agás cando se teñan establecido os medios oportunos para iso e o Usuario teña dado cumprimento previo aos requisitos que, no seu caso, sexan establecidos.
A inclusión no Portal de información relativa a produtos ou servizos ofrecidos pola Entidade ten exclusivamente fins informativos e publicitarios, agás que sexa establecida expresamente outra finalidade.
Se para a utilización, prestación e/ou contratación dalgún produto ou servizo ofrecido a través do Portal o Usuario debese proceder ao seu rexistro, este será responsable de achegar información veraz e lícita, garantindo a autenticidade de todos aqueles datos que introduza á hora de cumprimentar os formularios preestablecidos para acceder aos produtos ou servizos de que se trate. Se como consecuencia do rexistro se dotase o Usuario dun contrasinal, este comprométese a facer un uso dilixente del e a mantelo en segredo. En consecuencia, os Usuarios son responsables da axeitada custodia e confidencialidade de calquera identificador e/ou contrasinal que lles sexa subministrado pola Entidade, e comprométense a non ceder o seu uso a terceiros, xa sexa temporal ou permanentemente, nin a permitir o seu acceso a persoas alleas.
Será responsabilidade exclusiva do Usuario a utilización e/ou contratación dos produtos ou servizos por calquera terceiro ilexítimo que empregue para tal efecto un contrasinal por mor dunha actuación non dilixente ou da perda deste polo Usuario. En virtude do anterior, é obriga do Usuario notificar de forma inmediata á Entidade calquera feito que permita o uso indebido dos identificadores e/ou contrasinais, tales como o roubo, o extravío ou o acceso non autorizado a estes, co fin de proceder á súa inmediata cancelación. Mentres non se comuniquen tales feitos, a Entidade quedará eximida de calquera responsabilidade que puidese derivarse do uso indebido dos identificadores ou contrasinais por terceiros non autorizados.
En todo caso, o acceso, navegación e uso do Portal e, se é o caso, o uso ou contratación dos servizos ou produtos que se ofrezan a través del faise baixo a única e exclusiva responsabilidade do Usuario, polo que este se compromete a observar dilixente e fielmente calquera instrución adicional, impartida pola Entidade ou por persoal autorizado da Entidade, relativa ao uso do Portal e os seus contidos.
Polo tanto, o Usuario obrígase a usar os contidos, produtos e servizos de forma dilixente, correcta e lícita, de conformidade coa lexislación vixente e, en particular, comprométese a absterse de:
- (i) Utilizalos con fins ou efectos contrarios á lei, á moral, aos bos costumes xeralmente aceptadas ou á orde pública e ás instrucións recibidas da Entidade.
- (ii) Utilizalos con fins lesivos dos lexítimos dereitos de terceiros.
- (iii) Empregar os contidos e produtos e, en particular, a información de calquera clase obtida a través do Portal ou dos servizos para remitir publicidade, comunicacións con fins de venda directa ou con calquera outra clase de finalidade comercial, mensaxes non solicitadas dirixidas a unha pluralidade de persoas con independencia da súa finalidade, así como absterse de comercializar ou divulgar de calquera modo esa información.
4. Responsabilidades e limitacións
A Entidade non pode garantir a fiabilidade, utilidade ou veracidade da información que se preste a través do Portal.
En consecuencia, a Entidade non garante nin se fai responsable de:
- (i) A continuidade dos contidos do Portal e/ou a falta de dispoñibilidade ou accesibilidade do Portal ou continuidade técnica do mesmo;
- (ii) A ausencia de erros nos devanditos contidos ou produtos;
- (iii) A ausencia de virus e demais compoñentes daniños no Portal ou no servidor que o subministra;
- (iv) A invulnerabilidade do Portal e/ou a inexpugnabilidade das medidas de seguridade que se adopten no mesmo;
- (v) No seu caso, a falta de utilidade ou rendemento dos contidos ou servizos do Portal;
- (vi) Os danos ou prexuízos que cause, a si mesmo ou a un terceiro, calquera persoa que infrinxa as condicións, normas e instrucións que a Entidade establece no Portal ou a través da vulneración dos sistemas de seguridade deste;
- (vii) Calquera outro dano que puidese ser causado por motivos inherentes ao non funcionamento ou ao funcionamento defectuoso do Portal ou dos sitios web aos que, se é o caso, se puidesen establecer ligazóns.
Non obstante, a Entidade declara que adoptou todas as medidas necesarias, dentro das súas posibilidades e do estado da tecnoloxía, para garantir o funcionamento do Portal e evitar a existencia e transmisión de virus e demais compoñentes daniños aos Usuarios.
A Entidade realiza os máximos esforzos para evitar erros nos contidos que se publican no Portal. Todos os contidos que se ofrecen a través do Portal atópanse actualizados, reservándose a Entidade a facultade de poder modificalos en calquera momento. A Entidade non se responsabiliza das consecuencias que poidan derivarse dos erros nos contidos proporcionados por terceiros que poidan aparecer no Portal.
Queda prohibida calquera comunicación ou transmisión de contidos que infrinxa os dereitos de terceiros e cuxo contido sexa ameazante, obsceno, difamatorio, pornográfico, xenófobo, atentatorio contra a dignidade da persoa ou os dereitos da infancia, a legalidade vixente ou calquera conduta que incite ou constitúa a realización dunha ofensa penal.
Así mesmo, queda prohibida a inclusión e comunicación de contidos, por parte dos usuarios, que sexan falsos ou inexactos e que induzan ou poidan inducir a erro ao resto de usuarios ou ao persoal da Entidade, en particular os contidos que se atopen protexidos por calquera dereito de propiedade intelectual ou industrial pertencente a terceiras persoas, cando non conten coa autorización do titular dos dereitos, menoscaben ou desprestixien a fama ou crédito da Entidade ou de calquera entidade integrante do Grupo FCC, sexan considerados como un caso de publicidade ilícita, enganosa ou desleal e/ou incorporen virus ou calquera outro elemento electrónico que puidese danar ou impedir o funcionamento do sitio web, da rede, dos equipos informáticos da Entidade ou de terceiros e/ou o acceso ao portal do resto de usuarios.
A Entidade poderá prohibir o acceso ao Portal de calquera Usuario que realice calquera das conductas referenciadas, con carácter enunciativo e non limitativo, no presente apartado.
5. Dereitos de Propiedade Intelectual e Industrial
A Entidade é titular ou obtivo a correspondente licenza sobre os dereitos de explotación en materia de propiedade intelectual, industrial e de imaxe sobre os contidos dispoñibles a través deste, entre outros, a título meramente enunciativo e non exhaustivo, os textos, deseños gráficos, debuxos, códigos, software, fotografías, vídeos, sons, bases de datos, índices, imaxes, marcas, logotipos, expresións e informacións e, en xeral, calquera outra creación protexida polas normas nacionais e os tratados internacionais sobre propiedade intelectual e industrial (en diante, conxuntamente, os Contidos).
Quedan reservados todos os dereitos de propiedade intelectual e industrial sobre os Contidos e, en particular, queda prohibido modificar, copiar, reproducir, comunicar publicamente, transformar ou distribuír de calquera forma a totalidade ou parte dos Contidos incluídos no Portal, para propósitos públicos ou comerciais, se non se conta coa autorización previa, expresa e por escrito da Entidade ou, se é o caso, do titular dos dereitos a que corresponda.
O acceso e navegación do Usuario polo Portal en ningún caso se entenderá como unha renuncia, transmisión, licencia ou cesión total nin parcial dos dereitos antes indicados por parte da Entidade.
En consecuencia, non está permitido suprimir, eludir ou manipular o aviso de dereitos de autor ("copyright") e calquera outro dato de identificación dos dereitos da Entidade ou dos seus titulares incorporados aos Contidos, así como os dispositivos técnicos de protección, as pegadas dixitais ou calquera mecanismo de información e/ou de identificación que puidesen conterse neles.
As referencias a nomes e marcas comerciais ou rexistradas, logotipos ou outros signos distintivos, xa sexan titularidade da Entidade ou de terceiras empresas, levan implícita a prohibición sobre o seu uso sen o consentimento da Entidade ou dos seus lexítimos propietarios. En ningún momento, salvo manifestación expresa, o acceso ou uso do Portal e/ou dos seus Contidos confire ao usuario dereito ningún sobre as marcas, logotipos e/ou signos distintivos nel incluídos protexidos pola Lei.
6. Enlaces
6.1 Enlaces dende o Portal a outras páxinas web
A Entidade pode ofrecer ligazóns, directa ou indirectamente, a recursos ou páxinas web de Internet que se atopan fóra do Portal. A presenza destas ligazóns no Portal ten unha finalidade informativa, e en ningún caso constitúe unha invitación á contratación de produtos e/ou servizos que se ofrezan ou poidan ofrecer nas páxinas web de destino nin implica a existencia de vínculo ou relación mercantil ou de dependencia coa entidade titular da páxina web ligada. Nestes casos, a Entidade non será responsable de establecer as condicións xerais e particulares que se deben ter en conta na utilización, prestación ou contratación destes servizos por terceiros e, polo tanto, non poderá ser considerada responsable deles.
A Entidade non ten facultade nin medios humanos nin técnicos para coñecer, controlar nin aprobar toda a información, contidos, produtos ou servizos facilitados por outras páxinas web ás que se poidan establecer ligazóns dende o Portal. En consecuencia, a Entidade non poderá asumir ningún tipo de responsabilidade por calquera aspecto relativo ás páxinas web ás que se puidese establecer unha ligazón dende o Portal, en concreto, a título enunciativo e non taxativo, sobre o seu funcionamento, acceso, datos, información, arquivos, calidade e fiabilidade dos seus produtos e servizos, as súas propias ligazóns e/ou calquera dos seus contidos, en xeral.
Non obstante, no caso de que a Entidade chegue a ter coñecemento efectivo de que a actividade ou a información á que se remite dende as devanditas ligazóns é ilícita, constitutiva de delito ou pode lesionar bens ou dereitos dun terceiro, actuará coa dilixencia necesaria para suprimir ou inutilizar a ligazón correspondente coa maior brevidade posible.
Así mesmo, se os Usuarios tivesen coñecemento efectivo da ilicitude de actividades desenvolvidas a través destas páxinas web de terceiros, deberán comunicalo inmediatamente á Entidade para os efectos de que se proceda a deshabilitar a ligazón de acceso a esta.
6.2 Enlaces desde outras páxinas web ao Portal
Se calquera Usuario, entidade ou páxina web desexase establecer algún tipo de ligazón con destino ao Portal, deberá aterse ás seguintes estipulacións:
- (i) Deberá solicitar a autorización previa, expresa e por escrito da Entidade.
- (ii) A ligazón soamente se poderá dirixir á páxina principal do Portal, salvo que expresamente se autorice cousa distinta.
- (iii) A ligazón debe ser absoluta e completa, é dicir, debe levar o Usuario, mediante un clic, á páxina principal e debe abarcar completamente toda a extensión da pantalla da páxina principal do Portal. En ningún caso, salvo que a Entidade autorice cousa distinta, a páxina web dende a que se realice a ligazón poderá reproducir de calquera maneira o Portal, incluílo como parte da súa web ou dentro dun dos seus "frames" ou crear un "browser" sobre calquera das páxinas do Portal.
- (iv) Na páxina web dende a que se establece a ligazón non se poderá declarar de ningunha maneira que a Entidade autorizou tal ligazón, sen que así fose. Se a entidade que realiza a ligazón dende a súa páxina ao Portal correctamente desexase incluír na súa páxina web a marca, denominación, nome comercial, rótulo, logotipo ou calquera outro signo identificativo da Entidade e/ou do Portal, deberá contar previamente coa autorización previa, expresa e por escrito da Entidade.
- (v) En todo caso, a Entidade prohibe o establecemento dunha ligazón ao Portal dende aquelas páxinas web que conteñan materiais, información ou contidos ilícitos, ilegais, degradantes, obscenos e, en xeral, que contraveñan a moral, a orde pública, a lexislación vixente, as normas sociais xeralmente aceptadas ou sexan lesivos de lexítimos dereitos de terceiros.
7. Oficina Virtual
O acceso, uso e/ou realización de trámites a través da Oficina Virtual, accesible dende o Portal, implica por parte dos Usuarios o coñecemento e a aceptación previa e sen reservas das Condicións Xerais de Uso, as cales deberán ser lidas, coñecidas e aceptadas polos Usuarios antes de facer uso e/ou realizar trámites a través da Oficina Virtual.
8. Protección de datos persoais
A información sobre o tratamento dos seus datos persoais atópase na nosa Política de Privacidade.
9. Duración e modificación
A Entidade resérvase o dereito de modificar o presente Aviso Legal e/ou as condicións particulares que, no seu caso, teñan sido establecidas para a utilización e/ou contratación dos produtos ou servizos prestados a través do Portal, cando o considere oportuno ou coa finalidade de adecuarse aos cambios lexislativos e tecnolóxicos, sendo válidas e fornecendo os seus efectos dende a publicación no Portal.
A vixencia temporal destas condicións de uso coincide, polo tanto, co tempo da súa exposición, ata que sexan modificadas total ou parcialmente, momento no cal pasarán a ter vixencia as condicións de uso modificadas.
A Entidade poderá dar por terminado, suspender ou interromper, en calquera momento e sen necesidade de preaviso, o acceso aos contidos da páxina, sen posibilidade por parte do Usuario de esixir indemnización ningunha. Tras a devandita extinción, seguirán vixentes as prohibicións de uso dos contidos expostas anteriormente no presente Aviso Legal.
10. Comunicacións
Calquera comunicación entre a Entidade e o Usuario, este deberá dirixila á Entidade ao enderezo postal e/ou a través do formulario arriba indicado. En todo caso, as comunicacións da Entidade cara ao Usuario realizaranse de conformidade cos datos de contacto achegados ou facilitados. Expresamente, o Usuario acepta a utilización do correo electrónico como procedemento válido para o intercambio de información e a remisión de comunicacións entre e/ou coa Entidade.
11. Xeralidades
Os encabezamentos das distintas cláusulas son só informativos, e non afectarán, cualificarán nin modificarán a interpretación do Aviso Legal.
En caso de existir discrepancia entre o establecido en este Aviso Legal e as condicións particulares que, no seu caso, poidan ser establecidas respecto dos produtos ou servizos ofrecidos no Portal, prevalecerá o disposto nas condicións particulares.
No caso de que calquera disposición ou disposicións deste Aviso Legal fora(n) considerada(s) nula(s) ou inaplicable(s), na súa totalidade ou en parte, por calquera Xulgado, Tribunal u órgano administrativo competente, dita nulidade ou non aplicación non afectará ás outras disposicións do Aviso Legal nin ás condicións particulares que, no seu caso, teñan podido ser establecidas.
O non exercicio ou execución por parte da Entidade de calquera dereito ou disposición contida neste Aviso Legal non constituirá unha renuncia ao mesmo, agás recoñecemento e acordo por escrito pola súa parte.
12. Lexislación aplicable e tribunais competentes
O presente Aviso Legal e as relacións establecidas entre a Entidade e o Usuario, en particular o coñecemento e resolución de calquera litixio, discrepancia ou diferenza que puidese xurdir, rexeranse e resolveranse de conformidade co establecido na normativa española relativa á lexislación aplicable e á xurisdición competente.
Non obstante, para os casos nos que a normativa prevexa a posibilidade de que as partes se sometan a un foro, a Entidade e o Usuario, con renuncia expresa a calquera outro foro que puidese corresponderlles, someterán calquera controversia e/ou litixio ao coñecemento dos Xulgados e Tribunais da cidade do domicilio da Entidade previsto no presente Aviso Legal.
© Tódolos dereitos reservados.